IEPENBIERING

It libben kin hurd oars. Dizze spannende thriller set utein as in teolooch dy''t krekt beneamd is ta heechlearaar oan de Frije Universiteit yn Amsterdam de Friezinne Jantje moetet. Dernei feroaret de man dy''t promovearre is op it bibelboek Iepenbiering yn heech tempo fan in studeartafelgelearde yn in tuke speurder nei it grutste geheim fan ''e wrald: wannear sil de Leste Dei oanbrekke?

Nei''t in sluf besoarge wurdt mei in riedselich boadskip, en nei''t de boadskipper net folle letter fermoarde oantroffen wurdt, begjint in aventuerlike reis dy''t it duo fiert fan de Fryske marren en Bouwekleaster yn ''e noardlike Fryske Walden nei in kleaster op it Grykske eilan Patmos. Wat leart de heechlearaar oer himsels? En is elkenien wol dy''t er seit dat er is? Wa besiket it twatal op syn syktocht nei de wierheid de foet dwers te setten?

"Iepenbiering boartet fernimstich mei yninoar gripende filosofyske en bibelske motiven en wurdt yn perfekte thrillerstyl mei faasje en feardichheid ferteld."