Yn it boek Ljip en aai yn hert en holle fan Pieter Breuker steane de ljip, syn aai en dermei ek it aaisykjen sintraal. De skriuwer hat foar syn underwerp trije ynfalshoeken keazen: it gefoel (hert), de ferwurking derfan yn wurden en bylden (holle) en it aaisykjen sels. Mei-inoar binne goed 100 skilderijen, tekeningen, oare yllustraasjes en (fragminten fan) gedichten en ferhalen oer de ljip en it aaisykjen opnommen.

Mar al hoe grut oft it plak fan de faak heechwurdige keunstuteringen ek is, it boek jout folle mear. It giet om ljip en aai yn it libben fan de 'gewoane' aaisiker. Dy is yn it fjild te finen, dy ferstiet en brukt it aaisikersjargon, dy is de finer fan it earste aai. Der binne yn dat ferban haadstikken oer: de ljip yn de Fryske folkskunde; de ljip en syn nammen; de aaisikerstaal; it earste ljipaai: jild, eare en rom; it aaisykjen as sport; grappen en bedroch mei it earste aai.

Pieter Breuker (*1945) is sporthistoarikus en wie oant syn pensjoen yn 2010 wittenskiplik meiwurker foar it Frysk oan it Frysk Ynstitut fan de Ryksuniversiteit Grins. Hy publisearre under oaren Kostelijke koopwaar. De handel in Friese kievitseieren 1850-1900 (2012).

Taal: fry
Aantal pagina's: 144
Verschijningsdatum: 26-03-2015