Yn 1992 ferskynde Trinus Riemersma syn masterwurk De Reade Bwarre. It is in ferhaal mei mear lagen: in meinimmende roman oer de famylje Modderklauwer; in histoarysk relaas oer Ferwert yn de tritiger jierren; in egodokumint en in essaybundel mei de skriuwer syn fyzje op godstsjinst, literatuer, it Fryske plattelan yn de krisis- en oarlochsjierren en it Frysk nasjonalisme. En boppe-al is it in stanbyld foar syn heit, in monumint foar in man dy't foaral in goede heit weze woe.

Riemersma wie yn de jierren '60 ien fan de foarstanners fan in radikale staveringsferoaring fan it Frysk. Hy woe derom de saneamde Steatestavering, it kompromis ut 1976, net bruke en hold fest oan in sels utdoktere stavering. Dat levere in wurdbyld op dat slim ofwykte fan it gongbere. Foar in soad lezers wie dat reden om net oan De Reade Bwarre te begjinnen, ek al waard it yn 1995 bekroand mei de Gysbert Japicxpriis, de grutste priis yn literer Fryslan. Letter liet Riemersma syn eigen skriuwwize los en publisearre noch in hiele rige boeken yn de gongbere stavering.

De Reade Bwarre wurdt sa stadichoan algemien sjoen as de moderne klassiker fan de Fryske literatuer. Om it boek beskikber te meitsjen foar in breder publyk is it no troch skriuwster Jetske Bilker omstavere yn Standertfrysk. Mei syn romte foar farianten jout dat noch genoch mooglikheden om rjocht te dwaan oan de rykdom fan Riemersma syn taaleigen.

Taal: fry
Aantal pagina's: 496
Verschijningsdatum: 24-10-2022