Tony Feitsma (1928-2009) kaam yn Brantgum te wrald en waard grut op in pleats yn de Wieringermar. Fan hus ut krige hja ambysje en pioniersgeast mei, mar ek in hechte ban mei de taal fan it heitelan. Sy waard yn 1976 de earste froulike heechlearaar Frysk. Foar har foelen wittenskip en Fryske beweging gear mei it ynnimmen fan har plak as minske yn 'e mienskip.

Wa wie Tony Feitsma en hoe hat se har utsprutsen mienings en wittenskiplike kwaliteiten yn in manljuswrald befochten? It hat yn alle gefallen net om 'e nocht west. Mear as 25 jier lang hat se studinten ynspirearre. De FNP hat se yn 1962 reden foar in iere dea. Mei eigen jild rjochte se in funs op dat noch altiten stipe jout oan Frysktalige aktiviteiten.

Yn dizze biografy beskriuwt Liuwe H. Westra har libben yn de mienskip fan famylje, skoalle en universiteit, fan frisistyk en Fryske beweging. Hy besiket in antwurd te jaan op de fraach hoe't Tony Feitsma sa'n fuleindich strider foar it Frysk wurde koe. Mar ek: werom wie se altiten sa ferskriklike kritysk? Werom koene jo it fuort net goed genoch dwaan yn har eagen?

Liuwe Westra hat hast tuzen doazen persoanlik argyf trochsneupt en hy hat praten mei in mannichte minsken dy't Tony Feitsma goed kend hawwe. It risseltaat is in yngeand byld fan in markante en striidbere frou.

Sjoch hjir foar in resinsje: https://neerlandistiek.nl/2022/09/strijden-voor-een-boerentaal/

'(...) Pionier foar it Frysk is een boek om in een adem uit te lezen. De biograaf Westra heeft de onderste steen bovengebracht om een beeld te scheppen van een dwarse, eigenzinnige, zeer geleerde, idealistische vrouw.' - Marc van Oostendorp
Taal: fry
Aantal pagina's: 714
Verschijningsdatum: 29-09-2022