'It wie in ungemak. Se is fallen, of net goed wurden. Nee. Nee. Der barde wat. Ja, wat is der bard? Do hast it net sjoen. Wiest dan op it hiem? Stiest njonken de dobbe doe'tst har heardest? Rop se? Hat se in gjalp jun? Of stiest by it hjid dehok? Ik soe in mannich planken festhuffe. Faaks ha 'k yn 'e steich tusken de droech - loadsen stien. Heardest noch dat se de doar tusken it gonkje en de loads tichtsloech. Of wie dat de miggedoar? As Baef nachts nei 't hus ke moast, heardest ek altyd sa'n klets. Ik skrok my bytiden dea. Krekt wit ik it net, mar der sloech wat. En doe dy gjalp. Of wie ik op Stad Niks om iten foar de geit? Hast neat heard. Se wie al kald doe'tst har funst. It triedsjeread, dat har sa sun troch de wangen floeide, waard al blau, tsjin 't swarte oan. Do hast it net dien. Do kinst it net dien ha. Do wiest efter yn 'e klyn dolten, yn it fjild. Of dochs net? Wer wie ik? Hiest earst de plysje warskogje moat ten. Of by de Brunsma-jonges dokter belje. Mar koest net by har wei. En do wiest hjir allinne mei har.' Ut: De winter komt 'De winter komt' is it ferhaal oer Brand, in man op jierren. As er syn frou dea fynt yn 'e loads, fertizet er yn fragen dy't er himsels stelt. Wannear't it net ta antwurden komt, beslut er har yn 't hiem te bedobjen. En as de feiten in bedriging -foarmje, sjocht er gjin utkomst. 'Bertegrun'. In jongfeint fynt it hiem der't er opgroeid is under opspuite lan en dolt in hoale om yn te wenjen. As se syn bousel mei de shovel opromje, wurdt er -bedobbe yn syn hoale. 'De Sniewinter' giet oer in widner en in keunstneres dy't yn it tsjerkje fan Teard har atelier hat. Dy winters falle der protten snie en de keunstneres rekket -ysolearre. De widner soarget foar- iten. De keunstneres skildert hus en hokken fan de widner. Har skilderijen wurde bekroand, mar de gemeente lit de hokken opromje. In striid oer keunst en amtlike regels. JABIK VEENBAAS: 'It wurk fan Van der Ploeg kriget grutte kreft bywannear't er syn haadfigueren ticht op 'e hud sit. Topwurk levere er of mei de novellen Bertegrun en De winter komt.'
Taal: fry
Aantal pagina's: 240
Verschijningsdatum: 21-10-2022