Artikelomschrijving
Fjouwer nije aventoeren fan Tomke!
By de Afuk binne fjouwer moaie nije rigeboekjes fan Tomke ferskynd. Foar alle seizoenen hat Geartsje Douma in moai ferhaal op rym skreaun. Luuk Klazenga soarge foar de oansprekkende yllustraasjes.
Yn 'Tomke en de bijen' is it maitiid. Tomke siket blomkes foar Kornelia. Mar o nee, hy sjocht in bij. Help! Romke wol de bij pakke, mar Kornelia haldt him tsjin. Se nimt Tomke en Romke mei nei ymker Jan, en der sjogge se wat bijen allegear dogge.
Yn 'Tomke op fakansje' it it simmer. Tomke sil mei Romke en Kornelia op fakansje. Se ride nei de camping. Der is fan alles te sjen en te dwaan. Mar it moaiste is fansels it sliepen yn in echte tinte...
Yn 'Tomke nei de bosk' is it hjerst. Yana Yu komt mei in pear pompoenen by Tomke. Der kinne se it hus moai mei fersiere! Kornelia nimt harren mei nei de bosk om noch mear moais te sykjen. Bledsjes, ikels, kastanjes... Wat in moaie kleuren! Wat kinst der allegear mei dwaan?
Yn 'Tomke op it iis' is it winter. Der leit iis op 'e fiver! Tomke wol graach reedride, mar hy wibelt wol in bytsje... Mei in stoel giet it better, en wa kin moai op 'e stoel sitte?
De boekjes binne by de Afukwinkel yn Ljouwert of op websjop.afuk.frl te keap foar mar ? 6,50 it stik, of meielkoar yn in stevige kassette foar ? 25,-.
Taal: fry
Verschijningsdatum: 12-06-2020