k bin in lytse koffer ut Frankfurt am Main en ik sykje myn baas, wer is er toch tein? As de muorren prate koene, de muorren fan Theresienstadt... Mar muorren halde har net ivich en altyd stil. Tanksij Ilse Weber (1903-1944) witte wy wat se sein hawwe, sy hat de muorren harren ferhaal dwaan litten. Ilse liet as dichter sels in koffer prate, like unwennich fan minsken as elkenien yn in roetswarte oarloch. Ilse Weber, dy't as nachtsuster yn it bernesikehus yn Theresienstadt altyd in sniewite skelk droech, waard in lytse stjer, sunder it te witten of op stjerredom ut te wezen. Ljocht of tsjuster: dichters hawwe oeral wurden. Want it swijen hie it alderleste west. Ilse Weber wie in Joadske frou fan Dutsk-Tsjechyske ofkomst. Sy skreau berneboeken, harkspullen en prachtige gedichten. De Dutsktalige gedichten dy't se yn it geheim skreau yn it modelgetto Theresienstadt, wiene foar in protte finzenen in beaken fan hoop. Yn de ynlieding fan de bondel sketst Inez Timmer yn it koart it libbensferhaal fan dizze bysundere frou en hoe't har gedichten op wunderbaarlike wize de oarloch oerlibben. De bondel is twatalich, Dutsk en Frysk en is oersetten troch Eppie Dam. Eppie Dam (1953) is dichter, berneboekeskriuwer en oersetter. Syn wurk hat altyd engazjearre west, sa't u.m. bliken docht ut tal fan liturgyen en kantates en sette ek al earder lieten foar Timmer oer, under oaren it ferneamde 'Lili Marleen'. Teaterfoarstelling: Wat in koffer seit is ta stan kommen nei oanlieding fan it teaterprogram 'Holocaust-Hollywood, de kinderen van Ilse Weber' fan en troch Inez Timmer en Tseard Nauta. De foarstelling soe oarspronklik op 4 april 2020 yn Ljouwert yn premjere gien weze mar is troch de omstannichheden mei it koroanafirus earst in jier utsteld. De teaterdokumintere fan Inez Timmer fertelt op ynkringende wize oer it libben fan skriuwster Ilse Weber en de bern yn har libben. De gedichten dy't se yn it geheim skreau yn Theresienstadt ha op wunderbaarlike wize oarloch oerlibbe. Se foarmje 75 jier letter de basis foar dizze yndrukwekkende, meartalige muzikale teaterfoarstelling mei Inez Timmer en Tseard Nauta. 'Holocaust-Hollywood, de kinderen van Ilse Weber', in foarstelling om noait mear te ferjitten, tsjin it ferjitten. Mear ynformaasje en spyldata, sjoch: www.theaterineziatief.nl
Taal: mul
Aantal pagina's: 64
Verschijningsdatum: 01-05-2020