Omdat de boeken fan har net mear te krijen wienen, ferskynde yn 2016 de bondel Tsien fan Hylkje, in lytse kar ut har wurk. Yn It sjaaltsje en njoggen oare ferhalen fynt de lezer nochris tsien teksten dy't karakteristyk binne foar de skriuwster: koart om 'e hoeke, humoristysk en net sunder tragyk.

Hylkje Goinga (1930-2001) is as skriuwster foaral bekend wurden troch har koarte ferhalen. Tusken 1971 en 1993 publisearre se seis bondels. In grut part fan de ferhalen skreau se foar it moannebled De Strikel en de Leeuwarder Courant. Bleden as Opzij en Margriet namen ek wurk fan har op.

Yn de wrald fan de koarte ferhalen is Hylkje Goinga in opfallende ienling. Se wurdt wolris fergelike mei de Ingelske skriuwer Roald Dahl. Krekt as Dahl hat se der in hantsje fan om it unwierskynlike as deagewoan foar te stellen. De ferhalding tusken man en frou is it weromkommende tema. De lezer wurdt geregeld op 'e ferkearde skonk set omdat de ferhalen oan de ein faak in unferwachte, soms absurde draai meitsje. De flot fertelde brike setten fan de nofteren en soms naive husfrou Martha ha yn 2019 noch neat oan aktualiteit ferlern.

Gearstald en foarwurd: Douwe Kootstra
Taal: fry
Aantal pagina's: 88
Verschijningsdatum: 06-12-2019