Artikelomschrijving
Elk minskebern stiet op 'e skouders fan syn foaralden. Hy ken syn heit en mem, syn pake en beppe en soms noch syn oerpake of oerbeppe, mar dan haldt it wol op. Al dy oaren wurde wei yn de dize fan it ferliene. Mar doch: se hawwe libbe. Minsken fan fleis en bloed.
Yn Tinne Twigen hat Gerrit Damsma - eartiids sjoernalist fan it Friesch Dagblad - besocht dy unbekende foaralden wer 'ta libben' te roppen. It is in reis werom yn 'e tiid, oant yn de Gouden Ieu. In kronyk fan tsien generaasjes yn fjouwer ieuwen. Oer lytse minsken mei har eigen lytse skiednis yn in grutte wrald. Al dy geslachten binne kommen en gien en hienen har eigen ferhaal. En dat ferhaal giet al mar troch en al mar fierder. De alde stam krige en krijt nije tuken. En oan dy tuken komme wer nije, tinne twigen.
Gerrit Damsma is ek de auteur fan 'De beam fan belofte', in histoaryske roman oer de emigraasje fan in grutte groep Friezen yn de 19de ieuw nei Amearika. Dizze pioniers wienen de stichters fan it plak Vriesland yn de steat Michigan. De Nederlanske oersetting hat as titel: 'De boom van belofte'. Tinne Twigen wurdt ek oerset: 'Dunne Twijgen'. Allegear utjun by Brave New Books.
Taal: fry
Aantal pagina's: 135
Verschijningsdatum: 12-12-2018